Ռուսաստանը արտաքսել է Մոսկվայի մարզում ադրբեջանական սփյուռքի ղեկավարին
Մոսկվայի մարզում ադրբեջանական սփյուռքի ղեկավար Էլշան Իբրահիմովը լքում է Ռուսաստանի Դաշնության տարածքը։
«Արմենպրես»-ի հաղորդմամբ՝ այս մասին հայտնում է «Իզվեսիտա»-ն, որի թղթակիցն անձամբ է ֆիքսել, թե ինչպես է Իբրահիմովը Շերեմետևո օդանավակայանում պատրաստվում լքել ՌԴ տարածքը։
Ռուսական լրատվականի թղթակցի հետ զրույցում Էլշան Իբրահիմովը չի ցանկացել մեկնաբանել իր արտաքսման մասին որոշումը, և, միաժամանակ, դրա վերաբերյալ իր զարմանքն է արտահայտել։
Ավելի վաղ Իբրահիմովը զրկվել էր Ռուսաստանի քաղաքացիությունից՝ «երկրում գտնվելու կանոնները խախտելու» համար։
