Թմրանյութերին առնչվող գործով Թուրքիայի քաղաքացի է ձերբակալվել Վրաստանում
Վրաստանի Ներքին գործերի նախարարության տվյալներով՝ առանձնապես խոշոր չափի թմրանյութերի ապօրինի ձեռքբերման և պահպանման մեղադրանքով ձերբակալվել է Թուրքիայի Հանրապետության քաղաքացի` 1969 թվականին ծնված Հ.Ա.-ն։
Հանցագործությունը նախատեսում է մինչև 20 տարի կամ ցմահ ազատազրկում։
«Մեղադրյալի ժամանակավոր բնակության վայրի խուզարկության ժամանակ իրավապահ մարմինների աշխատակիցները որպես ապացույց առգրավել են կոկաինի առանձնապես մեծ քանակություն, որը փաթեթավորված էր 6 փաթեթում՝ մինչև 150 գրամ», — ասված է ՆԳՆ հաղորդագրության մեջ։
Նախարարության տվյալներով՝ հետաքննությունը շարունակվում է Քրեական օրենսգրքի 260-րդ հոդվածի 3-րդ մասի համաձայն։
