ԱՄՆ-ը նոր պատժամիջոցներ է սահմանել իրանական նավթի դեմ
Միացյալ Նահանգները պատժամիջոցներ է սահմանել 7 կազմակերպությունների նկատմամբ, որոնք մեղադրվում են իրանական նավթի և նավթաքիմիական ապրանքների առևտրի մեջ։
Այս մասին հայտարարել է ԱՄՆ պետքարտուղար Մարկո Ռուբիոն։ Նրա հայտարարությունը հրապարակվել է Միացյալ Նահանգների արտաքին քաղաքականության գերատեսչության կայքում։
Բացի այդ, երկու նավ ճանաչվել են որպես «արգելափակված սեփականություն»:
«Նախագահը մտադիր է առավելագույն ճնշման արշավի շրջանակներում Իրանից նավթի և նավթաքիմիական արտադրանքի անօրինական արտահանումը, այդ թվում՝ Չինաստան, զրոյի հասցնել», – ասել է Ռուբիոն։
Բացի այդ, Պետդեպարտամենտը հայտարարել է բեռնափոխադրումների կառավարող մեկ ընկերության դեմ սահմանափակումների մասին։ Այդ ընկերությունը մեղադրվում է Իրանից հումքի էներգիայի մատակարարման շղթայում առանցքային դեր խաղալու մեջ:
Ռուբիոն վստահեցրել է, որ քանի դեռ Թեհրանը շարունակում է եկամուտներ ստանալ նավթի վաճառքից՝ ապակայունացնող և ահաբեկչական գործողությունները ֆինանսավորելու համար, Միացյալ Նահանգները չի դադարեցնի քայլեր ձեռնարկել ինչպես Իրանի, այնպես էլ պատժամիջոցներից խուսափող նրա գործընկերների դեմ։
