Լիբանանում հայտարարել են, որ ԱՄՆ ներկայացուցիչը Բեյրութում քննարկել է «Հեզբոլլահի» զինաթափման հարցը․ AFP
Կիրակի օրը լիբանանցի պաշտոնյան հայտնել է, որ Մերձավոր Արևելքի հարցերով ԱՄՆ հատուկ ներկայացուցչի տեղակալ Մորգան Օրթագուսը մեկ օր առաջ Բեյրութում իր հանդիպումների ժամանակ քննարկել է «Հեզբոլլահի» զինաթափման հարցը՝ առանց վերջնաժամկետ նշանակելու, հաղորդում է AFP-ն:
Օրթագուսը կիրակի օրը հանդիպել է Լիբանանի ֆինանսների նախարար Յասին Ջաբերի, էկոնոմիկայի նախարար Ամեր Բիսաթի և կենտրոնական բանկի նոր ղեկավար Քարիմ Սուեյդի հետ, հաղորդում է պետական ազգային լրատվական գործակալությունը (NNA):
Լիբանանցի մի պաշտոնյա, որը խնդրել է չհրապարակել իր անունը, AFP-ին հայտնել է, որ Օրթագուսը քննարկել է «Հեզբոլլահի» ռազմական ենթակառուցվածքը կազմաքանդելու նպատակով լիբանանյան բանակի ջանքերի ակտիվացման և արագացման անհրաժեշտությունը, ինչը կհանգեցնի պետությանը զենքի մատակարարումների սահմանափակումների՝ առանց ժամանակացույցի սահմանման»:
Լիբանանցի պաշտոնյան ասել է, որ Օրթագուսը նաև «ակնարկել է, որ Լիբանանի վերակառուցումը նախևառաջ պահանջում է բարեփոխումներ և պետական իշխանության ընդլայնում»:
Երկրի կենտրոնական բանկի նոր ղեկավար Սուեյդը պաշտոնը ստանձնել է ուրբաթ օրը՝ խոստանալով առաջ տանել հիմնական բարեփոխումները: NNA-ն հաղորդում է, որ կիրակի Օրթագուսը Սուեյդի և էկոնոմիկայի և ֆինանսների նախարարների հետ քննարկել է կառավարության նախաձեռնած բարեփոխումները և տնտեսական բարեփոխումների ծրագիրը»։
Աղբյուրը նշել է, որ Օրթագուսը «բարձր է գնահատել կառավարության բարեփոխումների ծրագիրը, մասնավորապես օդանավակայանում ձեռնարկված միջոցառումները»:
Լիբանանի նոր իշխանությունները հսկողության ավելի խիստ միջոցառումներ են սահմանել ուղևորների և թռիչքների նկատմամբ Բեյրութի օդանավակայանով, որը երկրի միակ միջազգային ուղևորային կենտրոնն է:
Լիբանանի և Իրանի միջև թռիչքները դադարեցվել են փետրվարից այն բանից հետո, երբ Միացյալ Նահանգները զգուշացրեց, որ Իսրայելը կարող է հարվածել Բեյրութի օդանավակայանին, որպեսզի խափանի Իրանից «Հեզբոլլահին» զենքի ենթադրյալ առաքումը, AFP-ին է հայտնել լիբանանյան անվտանգության աղբյուրը:
