Ուկրաինայի տարածքով գազի տարանցիկային մատակարարման վերականգնումը կհանգեցնի Եվրոպայում դրա գնի նվազմանը. Սլովակիայի վարչապետ
Եվրոպական երկրներում գազի արժեքը կնվազի միայն Ուկրաինայի տարածքով դրա տարանցիկ փոխադրումը վերականգնելու դեպքում: Այս մասին լրագրողների հետ զրույցում նշել է Սլովակիայի վարչապետ Ռոբերտ Ֆիցոն։
«Եթե ինչ-որ բան կհանգեցնի Եվրոպայում գազի գնի նվազմանը, ապա դա կլինի միայն Ուկրաինայի տարածքով դրա տարանցման վերականգնումը և Սլովակիայով դեպի Արևմտյան Եվրոպա հասցնելը»,- նշել է Ֆիցոն՝ հավելելով, որ գազի մատակարարման դադարեցման վերաբերյալ Կիևի որոշման չեղարկումը կապահովի Եվրամիությունում դրա գնի գրեթե կրկնակի նվազմանը՝ հասցնելով մեկ ՄՎտ/ժամ էլեկտրաէներգիայի դիմաց մինչև 25 եվրոյի։
Ֆիցոն նաև նշել է, որ Սլովակիան ահռելի եկամուտ է ստացել Ուկրաինայի տարածքով ռուսական գազի տարանցումն ապահովելուց։ Ըստ այդմ, երկիրը հիմա զգալի վնասներ է կրում գազի մատակարարման դադարեցումից հետո և բոլոր ջանքերը գործադրելու է տարանցումը վերականգնելու համար:
