Հաքան Ֆիդան․ Ուժեղ Թուրքիան ուժեղ Ադրբեջանն է, ուժեղ Ադրբեջանը ուժեղ Թուրքիան է․ «Թուրքիան այսօր»
«Թուրքիան այսօր» լրատվական ալիք. «Թուրքիայի արտգործնախարար Հաքան Ֆիդանը Բաքվում Ադրբեջանի արտգործնախարար Ջեյհուն Բայրամովի հետ հանդիպմանը հաջորդած համատեղ մամուլի ասուլիսում ասել է.
«Երկու երկրների գործընկերությունը ժամանակից և պայմաններից անկախ է, Թուրքիան և Ադրբեջանը ողջ ներուժով կշարունակեն իրենց ընդհանուր ճակատագիրը որպես երկու եղբայր։ Թուրքիան «30-ամյա Ղարաբաղի օկուպացիայի» ժամանակ եղել է Ադրբեջանի կողքին։
Թուրքիան և Ադրբեջանը կարևոր ներդրում ունեն Եվրոպայի էներգետիկ անվտանգության գործում։Այս համատեքստում մենք մեծ նշանակություն ենք տալիս Բաքու-Թբիլիսի-Կարս երկաթուղու անխափան շահագործմանը, որը կազմում է Միջին միջանցքի ողնաշարը։ Դուք նաև գիտեք, որ մենք ցանկանում ենք իրականացնել Կարս-Նախիջևան երկաթուղու նախագիծը: Տեղեկացանք նաև ադրբեջանա-հայկական խաղաղոյթյան գործընթացում զարգացումների մասին: Մենք հասկանում ենք Ադրբեջանի օրինական մտահոգությունները: Կարևոր է Հայաստանի և Ադրբեջանի սահմանների սահմանազատման հանձնաժողովների աշխատանքի մեկնարկը։
Թանկագին եղբայրս պարոն Բայրամովը հայտարարեց, որ ցանկանում են վերագործարկել Դամասկոսում Ադրբեջանի դեսպանատունը։Աստծո կամոք անհապաղ կանենք հնարավորինը այս առումով ։Թուրքիա-Ադրբեջան եղբայրությունը կշարունակի նպաստել տարածաշրջանային խաղաղությանն ու կայունությանը։Ուժեղ Թուրքիան ուժեղ Ադրբեջան է, ուժեղ Ադրբեջանը ուժեղ Թուրքիան է»։
▪️Ահա թուրք֊ադրբեջանական տանդեմի ընգծված հակահայ օրակարգը, որը ևս մեկ անգամ բացահայտ ներկայացվում է երկրի արտաքին գերատեսչության մակարդակով։
▪️Առանձին կներկայացնենք քարտեզ,որտեղ նշված է Ֆիդանի հիշատակած Կարս֊Նախիջևան երկաթուղին,որը արագ շահագործման հանձնելու համար ջանքեր չեն խնայվում։Եվ ինչպես կարելի է տեսնել այստեղ հանգուցակետային է նաև այսպես կոչված «Զանգեզուրի միջանցքը»։
▪️Եզրակացություն.
Զոհին միշտ էլ ավելի հեշտ է կորստյան մատնել,երբ նա չգիտի ,որ զոհն ինքն է։Սա թուրքական քաղաքականության անբաժանելի մասն է,որի ակունքները հասնում են Մեծ եղեռնի տարիներ և դեռ անդին։Խաղաղության և ժողովրդավարության քարոզով թուլացնել զգունությունն ու ճիշտ թիրախին հարվածել,ահա թե ինչ է տեղի ունենում»։
