Հրդեհները հասել են Հոլիվուդի բլուրներ
Լոս Անջելեսում բռնկված անտառային հրդեհները հասել են Հոլիվուդի բլուրներ, բռնկվել ամերիկյան ֆիլմարտադրության պատմական կենտրոնի խորքերում: Այս մասին հայտնում է Reuters–ը:
Ավելի քան 100 հազար մարդու հորդորել են տարհանվել, քանի որ քամին կրակը տարածում է: Բռնկված հրդեհների հետևանքով առնվազն հինգ մարդ է զոհվել։
Այրվել են բազմաթիվ տներ, այդ թվում՝ կինոյի աստղերի, հայտնի մարդկանց տներ:
Լոս Անջելեսի հրշեջ–փրկարարական վարչությունը մարդկանց տարհանման հրաման է տվել հարավում՝ Հոլիվուդ Բուլվարի, հյուսիսում՝ Մալհոլենդ Դրայվի, արևելքից՝ 101 մայրուղու և արևմուտքում՝ Լորել Կանյոն բուլվարի տարածքում, որտեղ են գտնվում ֆիլմերի, հեռուստատեսության և երաժշտության ոլորտի նշանավոր հասցեներ:
«Հոլիվուդ» հայտնի գրվածքը գտնվում է մայրուղու մյուս կողմում:
