Սիրիայի պատմության դասագրքերից հանվել է «Օսմանյան օկուպացիա» տերմինը
Սիրիայում Բաշար ալ-Ասադի վարչակարգի տապալումից հետո փոփոխություններ են կատարվել մի շարք ոլորտներում։ Դրանցից անմասն չի մնացել նաև կրթական ոլորտը։ Այս մասին տեղեկացնում է ermenihaber.am-ը։
Թուրքիայի կրթության նախարար Նազիր ալ-Քադիրին սոցցանցում գրառում է կատարել և նշել, որ Սիրիայի դպրոցների ուսումնական ծրագիրը փոփոխություններ է կրել։
Նա մասնավորապես նշել է, որ պատմության դասագրքերում նախկինում գործածվող «Օսմանյան օկուպացիա» տերմինը փոխարինվել է «Օսմանյան իշխանություն» տերմինով։ Նախկին ռեժիմի (ի նկատի ունի Բաշար ալ-Ասադի ռեժիմի) հետ կապված տեղանունները, նրանց համար գրված արաբերեն տեքստերն այլևս չեն կիրառվի և դրանց փոխարեն կլինեն գրական ու չափածո ստեղծագործություններ։
Ըստ թուրքական լրատվամիջոցի` Սիրիայի դպրոցական դասագրքերում շտկվում է «օսմանյան ամոթը»:
