ԶԼՄ-ները ներկայացրել են Հարավային Կորեայում ավիավթարի պատճառի վերաբերյալ շրջանառվող հիմնական վարկածները
Հարավային Կորեայում ինքնաթիռի կործանման պատճառները դեռևս պարզ չեն, հիմնական վարկածները ներառում են թռչնի հարված, շարժիչի և վայրէջքի սարքերի անսարքություններ, արգելակման համակարգեր և արտակարգ իրավիճակներում օդանավակայանի թռիչքուղու անբավարար երկարություն։
Այս մասին հայտնում է ՌԻԱ Նովոստին՝ վկայակոչելով Yonhap գործակալությունը։
Նշվում է, որ վթարի պատճառների մասին վարկածները շարունակում են աճել. դրանք հիմնված են դեպքի վայրից ականատեսների տեսագրությունների վրա։
Դրանցում ցուցադրվում է, թե ինչպես է ինքնաթիռը սկսում ծխալ վայրէջքի ժամանակ, իսկ աջ շարժիչից բռնկումներ ու ծուխ է ժայթքում՝ ուղեկցվելով պայթյունով։
Ենթադրվում էր, որ ինքնաթիռը բախվել է թռչուններին, ինչն առաջացրել է շարժիչի հետ կապված խնդիրներ, բայց միևնույն ժամանակ տեսագրությունները ցույց են տալիս, որ այն թռիչքուղուն մոտեցել է վայրէջքի շասին հետ քաշված, որն այդպես էլ չի տեղաշարժվել։
