Հարավային Կորեան նախագահի նոր պաշտոնակատար ունի

Հարավային Կորեայի տնտեսական հարցերով փոխվարչապետ և ֆինանսների նախարար Չվե Սան Մոկը կկատարի երկրի նախագահի պարտականությունները նախագահի պաշտոնակատար Հան Դոկ Սուին խորհրդարանի՝ անվստահություն հայտնելուց հետո:

Նշվում է, որ Չվե Սան Մոկը նախատեսում է հանդես գալ հանրության համար գրավոր ուղերձով և հրավիրել Ազգային անվտանգության խորհրդի նիստ:

Հան Դոկ Սուն համարվում է ժամանակավորապես հեռացված իր պարտականություններից: Այժմ Սահմանադրական դատարանը պետք է քննի նրա իմփիչմենթի գործը և դրա օրինականության մասին որոշում կայացնի 180 օրվա ընթացքում: