Եմենին ավիահարվածներից հետո Իսրայելի պաշտպանության նախարարը սպառնում է «հետապնդել» հութիների բոլոր առաջնորդներին
Եմենի տարածքին իսրայելական ավիահարվածներից հետո Իսրայելի պաշտպանության նախարար Իսրայել Կացը հայտարարել է, որ Իսրայելը «կհետապնդի» հութիների բոլոր առաջնորդներին, գրում է Times of Israel-ը:
«Մենք տեսանք իսրայելական ռազմաօդային ուժերի ճշգրիտ գործողությունները, որոնք հարվածներ հասցրեցին Եմենում հութիների ռազմավարական թիրախներին, օդանավակայանի և նավահանգստին,-հայտարարել է Կացը Թել Ավիվի ռազմական շտաբի ստորգետնյա ռազմաօդային ուժերի հրամանատարական կենտրոնից տեսանյութում: -Ինչպես արդեն ասացինք, Իսրայելին հարվածողին մենք հակահարված կտանք։ Մենք միաժամանակ կհետապնդենք հութիների բոլոր առաջնորդներին և կհարվածենք նրանց, ինչպես դա արել ենք այլ վայրերում: Ոչ ոք չի կարողանա խույս տալ Իսրայելի երկար ձեռքից»:
Ավելի վաղ Եմենի լրատվամիջոցները հայտնել էին, որ իսրայելական և ամերիկյան կործանիչները հարվածներ են հասցրել Եմենի տարբեր շրջաններին, ներառյալ՝ մայրաքաղաք Սանայի միջազգային օդանավակայանին։
Մինչ այս Եմենի հութիների հարձակումներն Իսրայելի տարածքի վրա ավելի հաճախակի էին դարձել։
