Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում Թուրքիայի և Սիրիայի միջև բացառիկ տնտեսական գոտու մասին հնարավոր համաձայնագրի դեմ: Այս մասին տեղեկացնում է ermenihaber.am-ը։
Թերթում նշվել է, որ կնքվելիք համաձայնագիրը հակասում է Հունաստանի շահերին և Բաշար ալ Ասադի վարչակարգի հեռացումը հող է հանդիսանում դրա կյանքի կոչման համար:
«Անկարայի ռազմավարությունը՝ համոզել Մերձավոր Արևելքի պետություններին գրավիչ ծովային սահմաններով, նպատակ ունի մուտք ապահովել Արևելյան Միջերկրականի հյուսիսային հատված»,-ընդգծվել է «Kathimerini» թերթում:
Հունական աղբյուրի համաձայն՝ վերոհիշյալ թեման Հունաստանի վարչապետ Կիրիակոս Միցոտակիսը և Կիպրոսի նախագահ Նիկոս Հրիստոդուլիդիսը թեման քննարկել են անգամ Եվրոպայի խորհրդի նիստում՝ եվրոպական երկրների առաջնորդների հետ:
Նման համաձայնագրի հնարավոր կնքումը նրանք համարել են որպես Կիպրոսի «անառարկելի ինքնիշխանության իրավունքների անտեսում», քանի որ այդպիսով Կիպրոսը կհայտնվի շրջափակման մեջ:
Թուրքական մեդիայում այդ տեղեկությունը որակվել է հետևյալ կերպ. «Թուրքիայի և Սիրիայի միջև հնարավոր զարգացումը վախեցնում է Աթենքին»:
