Ղրղզստանի նոր վարչապետ է դարձել Ադիլբեկ Կասիմալիևը
Ղրղզստանի նախարարների կաբինետի ղեկավար է նշանակվել Ադիլբեկ Կասիմալիևը:
Այս մասին հաղորդել է Ղրղզստանի նախագահի մամուլի ծառայությունը։
«Ղրղզստանի նախագահ Սադիր Ժապարովը հրամանագիր է ստորագրել, որի համաձայն Ադիլբեկ Կասիմալիևը նշանակվել է նախարարների կաբինետի նախագահ», – հաղորդել են մամուլի ծառայությունում։
Այլ հրամանագրերով Դանիյար Ամանգելդիևը նշանակվել է կաբինետի ղեկավարի առաջին տեղակալի պաշտոնում, իսկ Բակիտ Սիդիկովը՝ էկոնոմիկայի և առևտրի նախարարի պաշտոնում։
Դեկտեմբերի 16-ին հայտնի դարձավ, որ Ղրղզստանի վարչապետ Ակիլբեկ Ժապարովը հեռացել է պաշտոնից՝ այլ աշխատանքի անցնելու պատճառով։
