Ֆրանսիային պատկանող կղզում ավերիչ ցիկլոնը տասնյակ կյանքեր է խլել. Մակրոնը կայցելի տուժած գոտի
Հնդկական օվկիանոսում Ֆրանսիային պատկանող անդրծովյան տարածքներից մեկում՝ Մայոտ կղզում, ավերիչ «Շիդո» փոթորկի հետևանքով զոհվել է առնվազն 21 մարդ, ևս 45 մարդ գտնվում է ծայրահեղ ծանր վիճակում, 1373 վիրավոր՝ միջին ծանրության է:
Կղզու իշխանությունները պատրաստվում են ազգային սուգ հայտարարել: Ֆրանսիայի նախագահ Էմանուել Մակրոնը հայտնել է, որ առաջիկա օրերին կայցելի Մայոտ:
«Առաջիկա օրերին ես կմեկնեմ Մայոտ՝ աջակցելու մեր համաքաղաքացիներին, քաղաքացիական ծառայողներին և օգնություն ցուցաբերելու համար տեղակայված ուժերին», – գրել է Մակրոնը X-ում:
