Ոստիկանությունը բռնել է Բրազիլիայի պաշտպանության նախկին նախարարին. Reuters
Դաշնային ոստիկանությունը շաբաթ օրը բռնել է Բրազիլիայի պաշտպանության նախկին նախարար Վալտեր Բրագա Նետոյին, տեղեկացրել է Reuters-ը՝ հղում կատարելով իր աղբյուրներին։
Բրագա Նետոն եղել է նաեւ երկրի նախկին նախագահ Ժաիր Բոլսոնարուի աշխատակազմի ղեկավարը եւ նրա հետ միասին առաջադրվել է փոխնախագահի պաշտոնում 2022թ. Բոլսոնարուի վերընտրվելու անհաջող փորձի ժամանակ։
Նոյեմբերին դաշնային ոստիկանությունը Բրագա Նետոյին մեղադրել էր պետական հեղաշրջում կազմակերպելու մեջ՝ այդ ընտրությունների արդյունքները չեղարկելու նպատակով։
