Թուրքիայի ԱԳՆ-ն զգուշացրել է Հարավային Կորեայում գտնվող թուրքերին
Թուրքիաի արտգործնախարարությունը Հարավային Կորեայում գտնվող քաղաքացիներին կոչ է արել զգոնություն պահպանել և հեռու մնալ մարդաշատ վայրերից և հավաքներից: Այս մասին տեղեկացնում է ermenihaber.am-ը։
Ավելի վաղ Հարավային Կորեայի ընդդիմության առաջնորդը կոչ էր արել զինվորականներին ու ոստիկաններին չհնազանդվել նախագահի «հակասահմանադրական և անօրինական» հրամաններին։
Հարավային Կորեայի նախագահ Յուն Սեոկ Յոլը ժողովրդին ուղղված հեռուստաուղերձում հայտարարել էր երկրում ռազմական դրություն մտցնելու մասին:
«Ես հայտարարում եմ ռազմական դրություն՝ արմատախիլ անելու հյուսիսկորեամետ ուժերին, ինչպես նաև պաշտպանելու ազատ սահմանադրական կարգը»։
Որոշ բարձրաստիճան զինվորականներ և ոստիկաններ հրաժարվել են կատարել ռազմական դրություն մտցնելու՝ Հարավային Կորեայի նախագահ Յուն Սեոկ Յոլի հրամանը։
