Բանկերի նախագահները Թրամփի Սպիտակ տուն վերադարձով պատրաստվում են գլոբալիզացիայի «վերբեռնմանը». Reuters
ԱՄՆ նորընտիր նախագահ Դոնալդ Թրամփի առևտրային մաքսատուրքերի սպառնալիքների և Ուոլ Սթրիթի բանկերի և նրանց միջազգային մրցակիցների միջև կարգավորիչ արբիտրաժի ազդեցության տակ գլոբալիզացիան վերականգնվում է, երեքշաբթի հայտարարել են բարձրաստիճան բանկերի նախագահները, հաղորդում է Reuters-ը:
Անցյալ ամիս Թրամփը հայտարարեց, որ իր երկրորդ ժամկետի առաջին իսկ օրը 25 տոկոս մաքսատուրքեր կսահմանի Մեքսիկայից և Կանադայից բոլոր ապրանքների վրա և լրացուցիչ 10 տոկոս մաքսատուրքեր Չինաստանից ներմուծվող ապրանքների համար՝ համաշխարհային առևտրային հարաբերությունների վերաբերյալ մտահոգություն առաջացնելով:
Սակայն Թրամփի առաջարկած մաքսատուրքերը էապես չեն վնասի Մեքսիկայում իսպանական BBVA բանկի բիզնեսին, հայտարարել է բանկի գործադիր տնօրեն Օնուր Գենչը Լոնդոնում բանկերի համաշխարհային համաժողովի ժամանակ։
«Մեզ բացարձակապես չենք անհանգստանում»,-նշել է Գենչը։
«Եթե ԱՄՆ-ում աշխատուժի արժեքը 100 է, ապա Մեքսիկայում՝ 10… Այսպիսով, դուք 25% մաքսատուրք եք դնում 10-ի (%) վրա»,- նշել է նա՝ հավելելով, որ դա նշանակում է, որ երկիրը կպահպանի իր մրցունակությունը։
BBVA-ն Մեքսիկայի մրցունակության և տնտեսական աճի փոփոխությունների առավել ենթարկվածներից մեկն է օտարերկրյա վարկատուների համար մաքսատուրքերի ներդրումից հետո: BBVA Mexico-ն շուկայի ամենախոշոր բանկն է և 2023 թվականին աահովել է իսպանական խմբի հասույթի 47%-ը:
Թրամփի առաջարկած մաքսատուրքերը կարող են խաթարել մատակարարման շղթաներն ամբողջ աշխարհում, բայց միաժամանակ հնարավորություններ կբացեն Ասիայի և Մերձավոր Արևելքի բանկերի համար, հայտարարել է Standard Chartered-ի ռազմավարության և տաղանդների հաարցով տնօրեն Թանուջ Կապիլաշրամին:
Իր հերթին, Եվրոպական կենտրոնական բանկի խորհրդի անդամ Պիերո Չիպոլլոնեն հայտարարել է, որ ԱՄՆ ներմուծման մաքսատուրքերը կարող են նվազեցնել տնտեսական աճն ու գնաճը եվրոն օգտագործող 20 երկրներում։
