Զենքով սպառնացել են Վրաստանի թիմի հարձակվող Միկաուտաձեին եւ թալանել տունը
Ֆրանսիայում կողոպտել են Վրաստանի հավաքականի եւ «Լիոնի» հարձակվող Ժորժ Միկաուտաձեին, հաղորդում է Actu Lyon-ը։
24-ամյա ֆուտբոլիստը «Նիցայի» դեմ հանդիպումից (4:1) հետ Լիոնի մոտ գտնվող Շասիեր քաղաքում գտնվող իր առանձնատուն մտնելիս նկատել է զինված գողերի։ Նրանք զենքով սպառնացել են ֆուտբոլիստին եւ թալանել տունը։ Մոտ 150-200 հազար եվրոյի ժամացույցներ եւ թանկարժեք իրեր են գողացել։
Միկաուտաձեն սոցիալական ցանցերում արած գրառմամբ հայտնել ,է որ ֆիզիկական վնասվածքներ չունի եւ շնորհակալություն է հայտնել աջակցության համար։
