«Հեզբոլլահը» հրթիռային հարված է հասցրել Իսրայելի ռազմական հետախուզության բազային
Լիբանանի «Հըզբոլլահ» շարժումը հրթիռային հարված է հասցրել Թել Ավիվի արվարձանում Իսրայելի ռազմական հետախուզության Գլիլոտ բազայի ուղղությամբ: Այս մասին գրում է ria.ru-ն՝ հղում անելով շարժման մամուլի ծառայությանը:
«Իսլամական դիմադրության մարտիկները բարձր ճշգրտության հրթիռներով հարձակվել են Գլիլոտ բազայի վրա, որը պատկանում է 8200 ռազմական հետախուզությանը Թել Ավիվի արվարձանում ՝ լիբանանա-պաղեստինյան սահմանից 110 կմ հեռավորության վրա»,-ասվում է մամուլի ծառայության հայտարարության մեջ:
Սա մեկ օրում Իսրայելի ռազմական օբյեկտների երրորդ գնդակոծությունն է:
«Հեզբոլլահի» մեկ այլ հայտարարության մեջ նշվում է, որ մի խումբ անօդաչու թռչող սարքեր հարձակվել են իսրայելական բանակի գործողությունների շտաբի վրա՝ Լիբանանի սահմանի մոտ գտնվող Միտուլա բնակավայրում: Իսկ Ակկո քաղաքում հրթիռային հարված է հասցվել Շարագա ռազմաբազային։
Շիա շարժման զեկույցների համաձայն՝ կիրակի օրվանից սկսած՝ սահմանի տարբեր հատվածներում Իսրայելի բանակի կենդանի ուժի կուտակման շուրջ 10 վայր է գրոհվել:
