Հայաստանում ՍՊԻԴ-ով հիվանդների թիվը չի նվազում. տղամարդը գալիս, վարակում է կնոջը, նա էլ` պտղին. վարակաբան
«ՄԻԱՎ-ն ունի անախտանիշ փուլ, որը տևում է 9-10 տարի։ Այսինքն, մարդն օրգանիզմում ունի հարուցիչը, ինքը վարակիչ է, սակայն իրեն առողջ է զգում, բժշկի չի դիմում։ Դա վարակի առումով ամենավտանգավոր շրջանն է»,- 168.am-ի հետ զրույցում ասաց Ինֆեկցիոն հիվանդությունների ազգային կենտրոնի ամբուլատոր կլինիկայի բժիշկ, վարակաբան Հրանտ Բաբայանը։
Բժշկի փոխանցմամբ` ախտանշանները սկսում են ի հայտ գալ 10 տարի հետո։
Օրինակ` առանց որևէ պատճառի մարդը սկսում է երկար ժամանակ ջերմել, փորլուծություն ունենալ։
«Արտագնա աշխատանքի մեկնողները, նախքան հայրենիք վերադառնալը, ցանկալի է, որ թեստավորում անցնեն։ Տղամարդը վարակված գալիս ու վարակում է կնոջը, նա էլ` պտղին։ Այս տարի 462 դեպք ունենք»,- նշեց վարակաբանը։
Մանրամասները՝ տեսանյութում։
