«Հայաստանի պատմության ընթացքում հայտնի են պատմություններ, երբ Դեմիրճյանը, Տեր-Պետրոսյանը, Քոչարյանը և Սարգսյանը երկրի համար միջազգային հարաբերություններում խնդիրներ են լուծել բացառապես անձնական կապերի ուժով»
Սուրեն Սարգսյանը ֆեյսբուքյան իր էջում գրում է. «Միջազգային հարաբերություններում անձնական կապերը չափազանց կարևոր նշանակություն ունեն: Անձնական կապերը շատ հաճախ լուծում են հարցեր, որոնք չեն լուծվում նույնիսկ դիվանագիտական խողովակներով: Հետևաբար դրանց թերագնահատումը միամտություն է:
Հայաստանի պատմության ընթացքում հայտնի են պատմություններ, երբ Դեմիրճյանը, Տեր-Պետրոսյանը, Քոչարյանը և Սարգսյանը երկրի համար միջազգային հարաբերություններում խնդիրներ են լուծել բացառապես անձնական կապերի կամ իրենց գործընկերների հայամետ լինելու փաստի ուժով:
Հետևաբար, երբ ասում ենք՝ այս կամ այն գործիչը հայամետ է, նշանակում է՝ նրա հետ աշխատելու և նաև անձնական հարաբերությունների տիրույթում հարցեր լուծելու համար կան լավ հիմքեր:
Իսկ այն հարցը, թե արդյո՞ք այս իշխանություններն ունեն այնպիսի անձնական կապեր, որ երկրի համար այդ հարթության վրա հարցեր լուծեն, այլ քննարկման առարկա է»:
