Եթե Մելիքբեկյանը կմտածի, որ ես կարող եմ օգնել մեր հավաքականին, կարելի է բանակցել․ Եղիշե Մելիքյան
«Փյունիկի» գլխավոր մարզիչ Եղիշե Մելիքյանը ևս մեկ անգամ պատասխանել է Հայաստանի ազգային հավաքականը գլխավորելու մասին հարցին։
«Մելիքբեկյանի օրոք կմարզեմ հավաքական, թե առանց նրա, չեմ կարող հստակ ասել։ Շատ կարևոր է, թե ինչպես կառաջարկեն ու ով կառաջարկի և ինչ պայմաններում կգնանք բանակցությունների։
Ինձ համար էկան չի, թե ով է ֆեդերացիայի նախագահը, ինձ համար կարևորը մեր հավաքականն է ու նրա գրանցած արդյունքները։ Եթե Մելիքբեկյանը կմտածի, որ ես կարող եմ օգնել մեր հավաքականին, կարելի է բանակցել։ Այո, ես ունեմ անձնկան կարծիք, որը չի համընկնում նախագահի հետ, բայց եթե հարցը վերաբերում է հավաքականին, ապա դա երկրորդական եմ համարում»,- ասել է Մելիքյանը։
Հիշեցնենք, որ ավելի վաղ Մելիքյանը նշել էր, որ «Փյունիկի» և Հայաստանի ֆուտբոլի ֆեդերացիայի միջև կոնֆլիկտ կա և այդ փաստը կարող է խանգարել իրեն հավաքականը գլխավորելու հարցում։
Աղբյուր ArmSport.am
