Թուրքիան Ֆրանսիայից հեղուկ գազ կներմուծի
Թուրքիայի պետական սեփականություն հանդիսացող նավթագազային խոշոր «BOTAŞ» կորպորացիան ֆրանսիական «TotalEnergies» էներգետիկ ընկերության հետ հեղուկ գազի գնման շուրջ համաձայնություն է ձեռք բերել: Այս մասին տեղեկացնում է ermenihaber.am-ը։
Մասնավորապես կողմերի միջև 10 տարի ժամկետով կնքված համաձայնագրով ենթադրվում է 2027-ից ի վեր ֆրանսիական ընկերությունից տարեկան 1.6 մլրդ խմ հեղուկ գազ գնել:
Կորպորացիան կկարողանա հեղուկ գազի մի մասը վերցնել ԱՄՆ-ի նավահանգիստներից, իսկ մյուս մասը Թուրքիայում և Եվրոպայում գտնվող տերմինալներից:
Նշվել է նաև, որ բնական գազի ներկրումների համար Թուրքիայի ձեռքբերած պայմանագրերը վերջանում են 2027-ին:
