Դիետոլոգը զգուշացրել է մեկ էկզոտիկ մրգի վտանգի մասին
Սննդաբան Զոյա Բոգդանովան Sputnik ռադիոյին տված հարցազրույցում զգուշացրել է մարդկանց որոշ խմբերի համար ֆեյխոայի վտանգի մասին։
«Այս հատապտուղը շատ կոշտ սննդային մանրաթելեր ունի, ուստի այն կարող է դժվարամարս լինել և տհաճ հետևանքներ առաջացնել աղեստամոքսային տրակտում` փքվածություն, գազերի առաջացում, ցավ: Պտուղը կարող է հանգեցնել նաեւ թթվայնության աճի. եթե ունեք գաստրիտ, լորձաթաղանթի բորբոքում, ռեֆլեքս, ապա չպետք է ընդհանրապես ուտեք: Եթե ստամոքսի խոց ունեք, ապա դա խստիվ արգելված է։ Եթե դուք ալերգիկ ռեակցիաներ ունեք էկզոտիկ մրգերի նկատմամբ, ապա ավելի լավ է նաեւ ձեր սննդակարգից բացառեք ֆեյխոան»,- ըստ shantnews-ի՝ ասաց փորձագետը։
Միաժամանակ, ֆեյխոայի պտուղները հարուստ են տարբեր վիտամիններով (C, E, B2, B3, B5): Դրանք պարունակում են շատ տարրեր, որոնք անհրաժեշտ են սրտանոթային հիվանդություններով, այտուցներով և կալիումի նյութափոխանակության պրոցեսների խանգարումներով մարդկանց համար։ Հատապտուղը պարունակում է ֆլավոնոիդներ, որոնց շնորհիվ այն կարողանում է հակաբակտերիալ ազդեցություն ունենալ։ Այն նաև պարունակում է մեծ քանակությամբ կալցիում, մագնեզիում, նատրիում և ֆոսֆոր։ Միաժամանակ, ֆեյխոան էապես չի բարձրացնում արյան շաքարի մակարդակը։
«Բայց ես չէի առաջարկի ֆեյխոաուտել այլ սննդամթերքից առանձին, քանի որ պտուղը շատ տտիպ է եւ կարող է լրջորեն ազդել ստամոքսի վրա»,- նշել է սննդաբանը:
Նրա խոսքով՝ ավելի լավ է աղցաններին ֆեյխոա ավելացնել, հատապտուղներից սոուս կամ առողջարար ջեմ պատրաստել՝ խնձորի հավելումով։
