Ջրաշխարհի մոտ թիվ 42 երթուղին սպասարկող ավտոբուսը բախվել է ծառին, վարորդը և 4 ուղևոր տեղափոխվել են հիվանդանոց
Հուլիսի 29-ին՝ ժամը 08:01-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Մյասնիկյան պողոտայում՝ Ջրաշխարհի մոտակայքում, թիվ 42 երթուղին սպասարկող Hyundai մակնիշի ավտոբուսը բախվել է ծառին, կան տուժածներ։
ՆԳՆ փրկարար ծառայությունից հայտնում են, որ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական խումբը:
shamshyan.com-ն էլ տեղեկացնում է, որ վթարի հետևանքով տուժածների թիվը 5-ն է` վարորդը և 4 ուղևոր։
