ՌԴ Քննչական կոմիտեն գործ է հարուցել գնդակոծության ժամանակ НТВ-ի օպերատորի զոհվելուց հետո
![](https://168.am/wp-content/uploads/2024/06/imgonline-com-ua-Resize-PpaDSlaY186wEQD.jpg)
ՌԴ Քննչական կոմիտեն քրեական գործ է հարուցել միջազգայնորեն չճանաչված Դոնեցկի Ժողովրդական Հանրապետության Գոռլովկա քաղաքի գնդակոծության ժամանակ НТВ-ի օպերատոր Վալերի Կոժինի զոհվելուց հետո։ Այս մասին հաղորդում է НТВ-ն։
Գործը հարուցվել է սպանության և լրագրողների աշխատանքին խոչընդոտելու հոդվածներով։
Ըստ քննչական կոմիտեի՝ Վալերի Կոժինը և լրագրող Ալեքսեյ Իվլիևը ռեպորտաժ էին նկարահանում, երբ ենթարկվել են ուկրաինական անօդաչու թռչող սարքի հարձակման։
НТВ-ի լրագրող Ալեքսեյ Իվլիևը, օպերատոր Վալերի Կոժինը և նրանց ուղեկցող սպան Գոլմովսկի ավանում վիրավորվել էին հունիսի 13-ին։ Նրանց հետ միասին, ըստ հրապարակման, հարվածի տակ են հայտնվել ռուսաստանցի զինվորները, որոնց դիրքերում նկարահանվում էր ռեպորտաժը։ Բոլորին տեղափոխել են հիվանդանոց, սակայն Վալերի Կոժինի կյանքը փրկել չի հաջողվել։