Առաջիկա օրերին նախատեսվում է ՄԱԳԱՏԷ-ի ներկայացուցիչների այցը Իրան
Ատոմային էներգիայի միջազգային գործակալության (ՄԱԳԱՏԷ) պաշտոնյաները, հավանական է, որ առաջիկա օրերին այցելեն Իրան, քանի որ Իսլամական Հանրապետությունը և գործակալությունն աշխատում են ՄԱԳԱՏԷ-ի տնօրենների խորհրդի նիստից առաջ երկկողմ համագործակցության տեքստի նախագիծը վերջնական տեսքի բերելու ուղղությամբ, հաղորդում է Mehr-ը:
Իրանն ու ՄԱԳԱՏԷ-ն արդեն սկսել են բանակցությունները տեքստի նախագծի շուրջ այն բանից հետո, երբ գործակալության գլխավոր տնօրեն Ռաֆայել Գրոսսին անցյալ շաբաթ այցելեց Թեհրան:
Այցի ընթացքում Գրոսսին և իրանցի պաշտոնյաները պայմանավորվել են, որ Իրանի և գործակալության միջև 2023 թվականի մարտին ձեռք բերված համաձայնությունը, որը հայտնի է որպես մարտյան հայտարարություն, կօգտագործվի որպես փոխադարձ համագործակցության հիմք։
Այժմ երկու կողմերն էլ ջանքեր են գործադրում տեքստի նախագիծը վերջնական տեսքի բերելու համար մինչև հունիսի 3-7-ը կայանալիք Կառավարման խորհրդի նիստը, երբ Գրոսսին իր զեկույցը կներկայացնի Խորհրդին:
Նախագծի համաձայն, Իրանի և ՄԱԳԱՏԷ-ի միջև համագործակցությունը կիրականացվի երեք ուղղություններով։
Քանի որ Իրանը և ՄԱԳԱՏԷ-ն աշխատում են տեքստի նախագիծը վերջնական տեսքի բերելու ուղղությամբ, սպասվում է, որ առաջիկա օրերին գործակալության պաշտոնյաները կայցելեն Թեհրան՝ այդ հարցի շուրջ հետագա բանակցությունների համար:
