Գառնիկ Դանիելյանը դուրս է եկել հիվանդանոցից. նա միանում է Կիրանց գյուղի ցուցարարներին
ԱԺ «Հայաստան» խմբակցության անդամ Գառնիկ Դանիելյանը դուրս է եկել հիվանդանոցից։ Այս մասին հայտնում է նույն խմբակցության պատգամավոր Ասպրամ Կրպեյանը։
Հիշեցնենք, որ ժամեր առաջ Դանիելյանի ինքնազգացողությունը վատացել էր Հայաստան-Վրաստան միջպետական ճանապարհին՝ դեպի Բագրատաշեն տանող ճանապարհահատվածում, երբ ոստիկանները սկսել էին բերման ենթարկել բողոքի ակցիա իրականացնող քաղաքացիներին և բացել ճանապարհը։Նա տեղափոխվել էր Նոյեմբերյանի հիվանդանոց։
Կրպեյանը Գառնիկ Դանիելյանի հետ լուսանկար է հրապարակել` նշելով, որ պատրաստվում են միանալ Կիրանց գյուղի հատվածում օրեր շարունակ ճանապարհը փակ պահող տավուշցիներին։
