Բերման է ենթարկվել բողոքի ակցիաների 29 մասնակից
Ոստիկանության տարբեր ստորաբաժանումներ ապրիլի 25-ին օրվա ընթացքում բերման են ենթարկվել բողոքի ակցիաների 29 մասնակցի:
«Արմենպրես»-ին այս մասին տեղեկացրին ՆԳՆ ոստիկանության լրատվության և հասարակայնության հետ կապերի վարչությունից:
«17 անձ բերման է ենթարկվել Երևանում, 12-ը՝ Նոյեմբերյանում»,- ասացին ոստիկանությունից։
Նշվում է, որ քաղաքացիները բերման են ենթարկվել ՀՀ վարչական իրավախախտումների վերաբերյալ օրենսգրքի 182 հոդվածի հիմքով՝ Ոստիկանության զորքերի զինծառայողների կամ ոստիկանության ծառայողի օրինական պահանջը չկատարելը:
Հայաստանի տարբեր մարզերում և մայրաքաղաք Երևանում ապրիլի 25-ին բողոքի ակցիաներ են անցկացվում, որոնց ընթացքում քաղաքացիներն իրենց բողոքն են արտահայտում Տավուշի մարզի հատվածում Հայաստանի և Ադրբեջանի միջև սահմանի սահմանազատման գործընթացի վերաբերյալ։
Ոստիկանությունը գրեթե բոլոր վայրերում բիրտ ուժ է կիրառում ակցիայի մասնակիցների նկատմամբ։
