Ժողովուրդը երբեք ոտքի չի կանգնի, եթե չլինի առաջնորդություն. Դավիթ Անանյան
«Տավուշ. Արտաքի՞ն, թե՞ ներքին դիմադրության շարժում» թեմայով քննարկմանը ՊԵԿ նախկին նախագահ Դավիթ Անանյանը նշել է, որ փողոցային ճիշտ կազմակերպված պայքարի և հարթակում գտնվողների լայն հանրային կոնսոլիդացիայի ապահովման պարագայում հնարավոր է շատ կարճ ժամանակում ամեն ինչ տանել իշխանափոխության՝ շեշտելով, որ հանրությանը փողոցային պայքարի յուրաքանչյուր օր պետք է ներկայացվեն օրակարգային կետերի շուրջ գաղափարներ՝ դա կլինի տնտեսական քաղաքականության, թե ռազմարդյունաբերության և ռազմական ինժեներական կառույցների ստեղծման մասին:
«Ժողովրդի հետ պետք է խոսել շատ հասարակ ձևով՝ մենք մահապարտներ ենք, բայց դուք էլ պիտի գաք մեր հետևից: Եթե ժողովուրդը տեսնի, որ ձևավորվել է այդ մահապարտների էլիտան, որ նա օրակարգ ունի, որ նրա անձը զոհաբերելու պատրաստակամությունը ոչ միայն բառերով է, այլ այն նաև ցուցադրում է, ժողովուրդը կգնա նրանց հետևից: Ժողովուրդը երբեք ոտքի չի կանգնի, եթե չլինի առաջնորդություն»,- ասել է Դավիթ Անանյանը:
Մանրամասները՝ տեսանյութում
