Թուրքիան գնաճի ցուցանիշներով աշխարհում 2-րդն է
«Թուրքիայի վիճակագրական ինստիտուտը» (TÜİK) տվյալներ է հրապարակել Թուրքիայում մարտին գրանցված գնաճ (ինֆլյացիա) վերաբերյալ: Այս մասին տեղեկացնում է ermenihaber.am-ը։
Ըստ այդմ՝ մարտին գնաճը կազմել է 3.16 տոկոս, որով էլ Թուրքիան հայտնվել է այն երկրների շարքում, որտեղ գրանցվել են գնաճի ամենաբարձր ցուցանիշները:
Նշվում է, որ նմանատիպ երկրների շարքում Թուրքիան 2-րդ տեղն է զբաղեցնում՝ զիջելով միայն Արգենտինային:
Տվյալներ են հրապարակվել նաև կապված վերջին 6 ամսվա ընթացքում գրանցված գնաճի վերաբերյալ, որը կազմել է 15.6 տոկոս:
Ընդհանուր առմամբ Թուրքիայում գրանցված գնաճը 2023-ի մարտի համեմատ ավելացել է 68.5 տոկոսով:
