Ինչո՞ւ է առավոտից գերպաշտպանված Կառավարության շենքը. պարզաբանում են ՆԳՆ-ից
Կառավարության շենքն առավոտից գերպաշտպանված է: Ներքին գործերի նախարարությունը, սակայն, դա անսովոր չի համարում:
168.am-ի հարցին, թե ինչո՞վ է պայմանավորված կառավարության մոտ խստացված ծառայությունը, ՆԳՆ նախարարի խոսնակ Նարեկ Սարգսյանը պատասխանեց. «Հասարակական կարգի պահպանություն. այդքան բան»:
Ավելի վաղ տեղեկացրել էինք՝ ՆԳՆ-ն հերքել էր ոստիկանությունում մոբիլիզացիա հայտարարելու մասին տեղեկությունը։
«Արմենպրես»-ի հետ զրույցում` պատասխանելով հարցին, թե արդյոք ճի՞շտ է տարածվող այն տեղեկությունը, որ ոստիկանության համատարած մոբիլիզացիա է հայտարարված, ՆԳՆ մամուլի քարտուղար Նարեկ Սարգսյանն ասել էր.
«Տարածվող տեղեկությունը չի համապատասխանում իրականությանը, ՆԳՆ ոստիկանությունն իրականացնում է հասարակական կարգի պահպանություն: Ամենօրյա ոստիկանական ծառայություն է: Կոչ ենք անում հետևել պաշտոնական լրատվությանը»։
