Բելգորոդի մարզում 13 թիրախ է խոցվել, կան տուժածներ
Ռուսաստանի Բելգորոդի մարզի երկնքում հակաօդային պաշտպանության միջոցներով 13 թիրախ է խոցվել: Այդ մասին նահանգապետ Վյաչեսլավ Գլադկովը հայտնել է իր Telegram ալիքում։
«Բելգորոդի և Բելգորոդի շրջանի երկնքում աշխատել է մեր հակաօդային պաշտպանության համակարգը. 13 օդային թիրախ խոցվել է քաղաքին մոտենալիս», – ասվում է հաղորդագրության մեջ։
Տարածաշրջանի ղեկավարը պարզաբանել է, որ Դուբովոյե ավանում երկու մարդ տուժել է. նրանց բուժօգնություն է ցուցաբերվում։ Վնասվել են նաև 20 մասնավոր բնակելի շենքեր և մեկ տնտեսական նշանակության շինություն։
ՌԴ պաշտպանության նախարարությունը պարզաբանել է, որ Բելգորոդի մարզում ոչնչացվել է RM-70 Vampire համազարկային կրակի ռեակտիվ համակարգի 13 ուկրաինական արկ։
Ավելի ուշ Գլադկովը հաղորդել է, որ Ուկրաինայի զինված ուժերը նաև գնդակոծել են Գրայվորոնի քաղաքային շրջանի Գոլովչինո գյուղը, որտեղ տուժել է 3 մարդ, որոնցից երկուսը հրշեջ են։ Վնասվել են բնակելի տներ, հրշեջ բաժանմունքի շենքը, մեքենաներ։
Իր հերթին Ուկրաինայի զինված ուժերի գլխավոր շտաբը հայտնել է, որ լույս մարտի 26-ի գիշերը Ռուսաստանը 12 անօդաչու թռչող սարք է արձակել Ուկրաինայի տարածքի ուղղությամբ, որոնք բոլորը խոցվել են։ Թիրախավորվել է հիմնականում Խարկովը։ ԱԹՍ-ների հարձակման մասին տեղեկություններ են հայտնել նաև Սումիի և Նիկոլաևի մարզերից։
