Բժիշկները գիրության անսպասելի պատճառ են հայտնել
Մշտական ջրազրկումը կարող է լինել գիրության զարգացման պատճառներից մեկը։ Ավելորդ քաշ հավաքելու նման անսպասելի պատճառ են անվանել էնդոկրինոլոգներ Սայինա Գոգոլեւան և Յուլիա Սորոկինան Lenta.ru-ի հետ զրույցում։
Գոգոլեւան բացատրել է, որ հեղուկն անհրաժեշտ է մարդու օրգանիզմին։ Ջրազրկման դեպքում բջջային թաղանթների թափանցելիությունը նվազում է, իսկ գլյուկոզան ավելի դժվար է թափանցում բջիջներ, զգուշացրել է էնդոկրինոլոգը։
«Գլյուկոզան էներգետիկ սուբստրատ է։ Իսկ երբ դրա պակասը կա, օրգանիզմն ավելի շատ էներգիա (սնունդ) է պահանջում։ Մարդը քաղց է զգում, սկսում է շատ ուտել, իսկ ավելորդ կալորիաները կուտակվում են որպես ճարպ»,-ասել է նա։
Սորոկինան հավելել է, որ նյարդային համակարգի աշխատանքի շնորհիվ մարդը կարող է անմիջապես չհասկանալ՝ քաղցա՞ծ է, թե՞ ծարավ։ Ամենից հաճախ այս իրավիճակը նկարագրվում է որպես «ինչ-որ բան ցանկանալ», նշել է բժիշկը: Դրա պատճառով մարդը կարող է իր ծարավը հագեցնել ոչ միայն ջրով, այլև ավելի համեղ՝ քաղցր ըմպելիքներով։
«Հյութեր, գազավորված ըմպելիքներ և քաղցր թեյ խմելուց հետո օրգանիզմն արձագանքում է շաքարի արագ կլանմանը, ավելացմանը, իսկ հետո՝ նվազմանը։ Օրգանիզմը վիճակը կրկին ընկալում է որպես սով և պահանջում է բավարարել այն»,- ասել է նա։
Արդյունքում սննդի չափից ավելի օգտագործումը դառնում է սովորություն, ինչը հանգեցնում է քաշի ավելացման, եզրափակել է Սորոկինան։
