Հայտնի են ամենաքաղցկեղածին 7 մթերքները
Թերապևտ Վարվառա Ռուբանը թվարկել է քաղցկեղածին նյութերի ամենաբարձր պարունակությամբ մթերքները։ Այս մասին հայտնում է «Известия» թերթը։
Մասնագետի խոսքով՝ մթերքները, որոնք չարաշահելու դեպքում կարող են ստամոքսի քաղցկեղ առաջացնել, ներառում են ալկոհոլը, կարմիր և վերամշակված միսը, ապխտած միսը, սոուսները և մարգարինը։ Նույնիսկ որոշ բանջարեղեն և մրգեր հայտնվել են սև ցուցակում՝ վնասակար նյութերի բարձր պարունակության պատճառով։
«Երշիկեղենի, նրբերշիկի և պահածոների մեջ ավելացվում են նիտրիտներ, որոնք աղեստամոքսային տրակտում վերածվում են նիտրոզամինների, որոնք մեծացնում են չարորակ ուռուցքների առաջացման հավանականությունը»,- ըստ shantnews-ի՝ ընդգծել է բժիշկը։
Նա համարել է, որ թթուները վտանգավոր են առողջության համար՝ դիմեթիլ նիտրիտի պարունակության պատճառով:
Ռուբանի խոսքով՝ գազավորված ըմպելիքները նույնպես վտանգ են ներկայացնում առողջության համար։
