Ադրբեջանում պատրաստվում է Հայաստանի հանքարդյունաբերության և հանքավայրերի քարտեզն ադրբեջանական տեղանուններով
Ադրբեջանում մշակվում է հայկական լեռնահանքային հանքավայրերի քարտեզ։ ԱՊԱ-ի փոխանցմամբ, այս մասին լրագրողներին հայտնել է Ադրբեջանի քարտեզագիրների հասարակական ասոցիացիայի նախագահ Մուգաբիլ Բայրամովը։
Նա ասել է, որ քարտեզը 40 տոկոսով պատրաստ է։
«Քարտեզը կազմվում է երկու ձևաչափով. Այս քարտեզների շնորհիվ հնարավոր կլինի պարզել, թե Հայաստանում որտեղ են գտնվում հանքային պաշարները։ Քարտեզն ընդգրկելու է Հայաստանի ողջ տարածքը, այլ ոչ միայն Հայաստանի և Ադրբեջանի սահմանին հանքարդյունաբերական ձեռնարկությունների տեղակայման վայրերը։ Միաժամանակ քարտեզը կպարունակի նաև բնապահպանական տեղեկատվություն, օրինակ, թե որ գետերն են աղտոտված, որ նյութերով և որտեղ են թափվում այդ թափոնները։ Քարտեզի շնորհանդեսը նախատեսված է չորս ամսից։ Քարտեզը լինելու է ադրբեջաներեն, անգլերեն և հայերեն»,- ադրբեջանական ԶԼՄ-ների փոխանցմամբ՝ ասել է Բայրամովը։
Մուգաբիլ Բայրամովն ասել է, որ քարտեզը կազմվելու է ադրբեջանական տեղանուններով.
«Մենք մտադիր ենք այս բացիկները բաժանել COP29 համաժողովի մասնակիցներին, որը կանցկացվի մեր երկրում»,- ասել է ադրբեջանցի քարտեզագիրը։
