Լոլիկով ու լոբով թանձրապուր
Բաղադրիչները
- լոբի- 1 բաժակ
- լոլիկ- 3 հատ
- բուլղարական պղպեղ- 1 հատ
- նեխուրի ցողուն- 100 գ
- գազար- 1 հատ
- սոխ- 1 գլուխ
- ձիթապտղի յուղ
- խնկածաղիկ (օրեգանո)- 0,5 թ/գ
- ջուր- 2,5 լ
- աղ
Պատրաստման եղանակը
Լոբին 2 ժամ թողեք սառը ջրի մեջ:
Լոբին լցրեք կաթսայի մեջ, վրան ջուր ավելացրեք ու 40 րոպե եփեք միջին ուժգնության կրակի վրա:
Կտրտեք գազարը, նեխուրի ցողունը, մաքրած սոխն ու բուլղարական պղպեղը:
Լոլիկների վրա խաչաձև կտրվածք արեք, մի քանի վայրկյանով մտցրեք եռացրած ջրի մեջ, հանեք ու կեղևը հեռացրեք:
Լոլիկը բլենդերով հարեք:
Ձիթապտղի ձեթով թավան դրեք կրակին, սոխն ու գազարը տապակեք մինչև ոսկեգույն երանգ ստանալը:
Ավելացրեք բուլղարական պղպեղն ու ևս 7 րոպե պատրաստեք:
Լոբով կաթսայի մեջ ավելացրեք նեխուրը, հարած լոլիկն ու տապակած բանջարեղենը: 15 րոպե շոգեխաշեք:
Ավելացրեք աղը, խնկածաղիկը, հանեք կրակի վրայից ու 20 րոպե փակ կափարիչով թողեք մնա: Լցրեք ափսեներն ու մատուցեք:
