Ստամբուլի միլիոնավոր բնակիչներ կվերաբնակեցվեն
Թուրքիայի իշխանությունները ծրագրում են հինգ տարվա ընթացքում վերաբնակեցնել Ստամբուլի 1,5 միլիոն տների բնակիչներին՝ վերանորոգման ծրագրի շրջանակներում, ասել է Թուրքիայի նախագահ Ռեջեփ Թայիփ Էրդողանը։
«Ստամբուլում կա մոտ 7,5 միլիոն շինություն, այդ թվում՝ 6 միլիոն բնակելի շենք, որոնցից 600 հազարը պետք է առաջնահերթության կարգով վերանորոգվեն։ Մեր նպատակն է հինգ տարվա ընթացքում վերաբնակեցնել 1,5 միլիոն տների բնակիչներին, որոնք համարվում են անապահով ապրելու համար»,- պարզաբանել է նա։
