Բժիշկը խորհուրդ է տվել ցուրտ եղանակին սննդակարգում ներառել որոշ մթերքներ
Ցուրտ սեզոնին արժե կարգավորել սննդակարգը, ասել է գաստրոէնտերոլոգ Անաստասիա Չիժիկովան։ Նա RIAMO-ի հետ զրույցում նշել է այն սկզբունքները, որոնք պետք է պահպանել սննդակարգ ընտրելիս։
Ըստ shantnews-ի՝ Չիժիկովան նախազգուշացրել է, որ աշնանը և ձմռանը մարդուն անհրաժեշտ են ածխաջրեր՝ ջերմափոխանակության օպտիմալ մակարդակը պահպանելու համար, և վիտամին D, որի պակասը հանգեցնում է «ուրախության հորմոնների»՝ սերոտոնինի և դոֆամինի արտադրության նվազմանը։ Ցուրտ սեզոնին կարևոր է նաև մագնեզիումի, քրոմի և B խմբի վիտամինների մակարդակի մշտադիտարկումը:
Բժիշկը խորհուրդ է տվել սննդակարգում ավելացնել այս միկրոտարրերով հարուստ երկու մթերք։ Մասնավորապես, նա առաջարկել է ուտել մուգ շոկոլադ՝ կակաոյի բարձր պարունակությամբ, քանի որ կակաոյի հատիկները պարունակում են մագնեզիում, քրոմ, B խմբի վիտամիններ, ինչպես նաև մեծ քանակությամբ տրիպտոֆան, որը սերոտոնինի նախադրյալն է։ Բացի այդ, տրիպտոֆանը, մագնեզիումը, B խմբի վիտամինները և այլ օգտակար միկրոէլեմենտները մեծ քանակությամբ հայտնաբերված են կաթնամթերքի, հատկապես պանրի, ինչպես նաև մսի, ձկան, հատիկաընդեղենի, ընկույզի, խավիարի մեջ:
Նա խորհուրդ է տվել քաղցր նախուտեստները փոխարինել չորացրած մրգերով, թարմ մրգերով և հատապտուղներով, բանջարեղենով (օրինակ՝ գազարի, նեխուրի կամ վարունգի կտորները ձիթապտղի յուղով կամ մածունի սոուսով), բնական մածունով՝ թարմ կամ սառեցված հատապտուղների ավելացմամբ, ընկույզով, մեղրով։
