Բլինքենն Իսրայելին կոչ է արել ավելին անել Գազայի խաղաղ բնակիչներին պաշտպանելու համար
ԱՄՆ պետքարտուղար Էնթոնի Բլինքենը Իսրայելին կոչ է արել ավելին անել Գազայի հատվածի քաղաքացիական բնակչությանը պաշտպանելու համար:
Ինչպես փոխանցում է «ՌԻԱ Նովոստին», CNN-ին տված հարցազրույցում նա գովել է իսրայելցիներին, որ այժմ «տարհանում են» պաղեստինցիներին՝ հրամայելով նրանց հեռանալ իրենց տներից ռմբակոծության սպառնալիքի տակ, ոչ թե ամբողջ քաղաքներում, այլ առանձին թաղամասերում, և համաձայնել են ստեղծել «անվտանգ գոտիներ» անկլավի հարավային մասում։
Նա կրկին դեմ է արտահայտվել Գազայի հատվածում մշտական հրադադարին և փոխարենը առաջարկել է կարճաժամկետ «մարդասիրական դադարներ»:
