2023 թվականին Գերմանիա է ժամանել ավելի քան 325.000 փախստական
Գերմանիայում ընթացիկ տարվա հունվարից նոյեմբեր ընկած ժամանակահատվածում երկրում գտնվող անձանց անունից ապաստան ստանալու ավելի քան 325.000 դիմում է ներկայացվել, ինչը 60%-ով ավելի է նախորդ տարվա համեմատ։ Այդ մասին հայտնել է Գերմանիայի Միգրացիայի և փախստականների գրասենյակը:
Մինչ օրս որոշումներ են կայացվել 242.185 դիմումների վերաբերյալ։
Դիմումների մեծ մասը ստացվել են Սիրիայի (97.200), Թուրքիայի (56.700), Աֆղանստանի (50.300), Իրաքի (11.500), Իրանի (9700), Վրաստանի (8900) և Ռուսաստանի Դաշնության (8400) քաղաքացիներից։
Վերջին ամիսներին Գերմանիան ակտիվորեն քննարկում է միգրացիոն հոսքերի սահմանափակման հնարավորությունը։ Սեպտեմբերի վերջին կանցլեր Օլաֆ Շոլցն ասաց, որ չափազանց շատ փախստականներ են հավաքվում Գերմանիայում։
