ՊՀԾ-ն նոյեմբերի 24-ից օգնություն է ցուցաբերել Գազայի հատվածի ավելի քան 120․000 բնակչի
ՄԱԿ-ի Պարենի համաշխարհային ծրագիրը (ՊՀԾ) նոյեմբերի 24-ից Գազայի հատվածի ավելի քան 120 հազար բնակչի առաջին անհրաժեշտության սննդամթերք է տրամադրել:
«Ուրբաթ օրվանից ՊՀԾ-ն 121 հազար 161 մարդու տրամադրել է առաջին անհրաժեշտության սնունդ, այդ թվում՝ դժվար հասանելի վայրերում գտնվող ընտանիքներին: Մինչ օրս մենք ընդհանուր առմամբ աջակցել ենք գրեթե 760 հազար մարդու, բայց մարդիկ սննդի կարիք ունեն ամեն օր, ուստի անհրաժեշտ է ընդլայնել և պահպանել օգնության մասշտաբները»,-ինչպես հաղորդում է «ՏԱՍՍ»-ը, այս մասին ասվում է կազմակերպության «X» սոցիալական ցանցում հրապարակված գրառման մեջ։
