ԼՂ մեր բնակիչներին դուրս բերելը մեր պլան Ա-ն չէ. Փաշինյան
«Դեռևս սեպտեմբերի 19-ին՝ գործողությունների մեկնարկի օրը, ես հանձնարարական եմ տվել փոխվարչապետ Տիգրան Խաչատրյանին, որպեսզի կառավարության գործընկերների հետ քննարկի՝ դեպի ՀՀ մարդկանց հնարավոր հոսքի դեպքում՝ ինչպես, ինչով և որտեղ ենք աջակցելու մեր հայրենակիցներին,- կառավարության նիստի մեկնարկին հայտարարեց Նիկոլ Փաշինյանը՝ դարձյալ կրկնելով 40 հազար տեղերի նախապատրաստության մասին իր նախկին հայտարարությունը,- Այդ առումով կարող ենք արձանագրել, որ մենք պատրաստ ենք և շարունակում ենք պատրաստվել: Բայց էլի ուզում եմ ասել, և ըստ էության, սա համաձայնեցված դիրքորոշում է ԼՂ մեր գործընկերների հետ, որ մեր պլան Ա-ն ԼՂ-ն հայաթափելը չէ՝ այսինքն, ԼՂ մեր հայրենակիցներին դուրս բերելը մեր պլան Ա-ն չէ:
Մենք մեր գործողություններում պետք է ամեն ինչ անենք, որպեսզի մեր հայրենակիցները՝ ԼՂ բնակիչները, իրենց տներում առանց վախի, արժանապատիվ, անվտանգ ապրելու հնարավորություն ունենան»:
Նիկոլ Փաշինյանը նկատեց, որ ՄԱԿ ԱԽ քննարկման առանցքային շեշտադրումը, որի շուրջ կար գործնականում կոնսենսուս, հենց դրա մասին էր:
Ըստ նրա՝ տեղեկատվական դաշտում ՀՀ դեմ հիբրիդային պատերազմ է տեղի ունենում, և առավել ուշադիր լինելու ու հանրության հետ հաղորդակցությունն ավելի ակտիվացնելու կոչ արեց:
Մանրամասները՝ տեսանյութում
