Դուք մեկ անելիք ունեք` թողնել ու հեռանա,որովհետև ձեր մնալու յուրաքանչյուր օրն իր հետ նոր պարտություն և զիջում է բերելու․ Տիգրան Աբրահամյան
Տիգրան Աբրահամյանը ֆեյսբուքյան իր էջում գրել է․ «Նիկոլը 5 տարվա ընթացրում հասցրել է հանձնել Արցախի ու Հայաստանի հսկայական բնակավայրեր, իր քաղաքական կուրսի հետևանքով հազարավոր մարդիկ զոհվել են, տասնյակ հազարավորները` զրկվել իրենց տներից:
Արցախցիները սեփական տանը, հայրենիքում պատանդի կարգավիճակում են, սովի ու գոյության պայքարի մեջ` մարտնչելով հանուն իրենց ազատության:
Ու սա ունի մեկ գլխավոր մեղավոր և պատասխանատու, որի անունը Նիկոլ Փաշինյան է:
Հիմա նույն Նիկոլն իր տեղակալ Վահագն Ալեքսանյանի ու մի շարք այլ քպ-ականների շուրթերով հրապարակում հավաքված մարդկանց մեղադրում է իրենց իսկ կողմից մեր Հայրենիքին փաթաթած աղետի ու ողբերգության մեջ:
Նրանք իրենց իշխանությանը փրկելու համար պատրաստ են ամեն ինչի` զոհաբերելու նույնիսկ իրենց մերձավեր շրջապատին:
Ձեր իշխանությունը Հայաստանին ու Արցախին միայն սուգ և կորուստ է բերել, որի պատասխանատվությունը հավերժ կրելու եք:
Դուք մեկ անելիք ունեք` թողնել ու հեռանալ` կրելով յուրաքանչյուրդ ձեր մաս պատասխանատվությունը, կա´նգ առեք, քանի ուշ չէ, որովհետև ձեր մնալու յուրաքանչյուր օրն իր հետ նոր պարտություն և զիջում է բերելու:
