Ադրբեջանի ՄԻՊ ներկայացուցիչներն այցելել են հայ գերի Գագիկ Ոսկանյանին
Ադրբեջանական caliber.az-ի փոխանցմամբ՝ Ադրբեջանի ՄԻՊ ներկայացուցիչներն այցելել են հայ գերի Գագիկ Ոսկանյանին՝ կալանավորման պայմաններում նրա հանդեպ վերաբերմունքի, բուժման հասանելիության և այլ կարևոր հարցերի մասին տեղեկություններ ստանալու համար։
Հիշեցնենք, որ օգոստոսի 16-ին ՀՀ ՊՆ-ն հայտնել է մարտական դիրքը լքած և ուսումնամարզական հավաքին մասնակցած պահեստազորի զինծառայողի կորստի մասին։
Ավելի ուշ Ադրբեջանի ՊՆ-ն հայտարարել է Արցախյան երկրորդ պատերազմի մասնակից Ոսկանյանին կալանավորելու մասին և Հայաստանին մեղադրել սահմանի արևելյան հատված ներթափանցման դիվերսիոն փորձ իրականացնելու մեջ, ինչը Հայաստանի պաշտպանության նախարարությունը հերքել է։
