Լիտվայում անցած գիշերը ճանաչվել է ամենաշոգը դիտարկումների ամբողջ պատմության ընթացքում
Անցած գիշերը Լիտվայում եղել է ամենաշոգն ու հեղձուցիչը եղանակի կանոնավոր դիտարկումների ամբողջ պատմության ընթացքում։ ТАСС-ի փոխանցմամբ՝ այդ մասին հայտնել է բալթյան հանրապետության հիդրոօդերևութաբանական կենտրոնը։
«Գիշերը, կարծես, արևադարձային գոտի լիներ։ Երկրում օդի միջին ջերմաստիճանը բարձր էր Ցելսիուսի սանդղակով 20 աստիճանից. բացարձակ ռեկորդ», – ասված է հաղորդագրության մեջ:
Ինչպես նշել են գերատեսչությունում, Մոլետայ շրջկենտրոնում գիշերը ջերմաստիճանը Ցելսիուսի սանդղակով 25 աստիճանից չի իջել։
Լիտվայում եղանակի կանոնավոր դիտարկումներն իրականացվում են 1871 թվականից:
