Կանոն 2-2-2, որի շնորհիվ սերը հավերժ կլինի

Նույնիսկ միայնության մեջ առօրյա կյանքը հեշտ փորձություն չէ։ Զույգերը ծանրաբեռնված են ավելի մեծ պատասխանատվությամբ, քանի որ հարաբերությունները կառուցված են փոխադարձ պարտավորությունների և ընդհանուր խնդիրների լուծման վրա և ենթադրում են մշտական ​​աջակցություն։ Զարմանալի չէ, որ նույնիսկ ներդաշնակ միությունները փլուզվում են առօրյա խնդիրների լծի տակ։ Բայց, բարեբախտաբար, կա գաղտնի բանաձև, որը կպաշտպանի հարաբերությունները ձանձրույթից և լճացումից, և սերը հավերժ մնալու հնարավորություն կունենա։

Որպեսզի 2-2-2 կանոնն անխափան գործի, պետք է պահպանել երեք պարզ կետ.

1. Յուրաքանչյուր երկու շաբաթը մեկ

Աշխատանքային օրերը երաշխավորում են ոչ միայն կանոնավոր աշխատավարձ, այլև կայուն սթրես, և, հետևաբար, երեկոյան ժամերին դժվար է պատկերացնել սիրելիի հետ զրույց աբստրակտ թեմաներով, ռոմանտիկ ընթրիք կամ կինոդիտում:

Այդ իսկ պատճառով կարևոր է, որ ժամանակ գտնեք միմյանց համար՝ առնվազն երկու շաբաթը մեկ։ Ընթրիք եփեք, գնացեք կինոթատրոն, զբոսնեք այգում. գլխավորը միասին լինելն է:

2. Յուրաքանչյուր երկու ամիսը մեկ

Երկու ամիսը մեկ անգամ զույգերին խորհուրդ է տրվում միասին կարճատև արձակուրդ գնալ։ Տարբերակները որոշվում են ընդհանուր հետաքրքրություններով և երևակայությամբ. դա կարող է լինել գիշերակաց սպա հյուրանոցում, ուսումնական շրջագայություն մեկ այլ քաղաք կամ ռաֆթինգ լեռնային գետի վրա: Կարճատև ճանապարհորդությունը կօգնի խուսափել առօրյա սթրեսից, հանգստություն և ներդաշնակություն վերադարձնել հարաբերություններին:

3. Յուրաքանչյուր երկու տարին մեկ

Մեկ տարին հոգ չէ, բայց երկու տարի անց համատեղ արձակուրդն անհրաժեշտություն է: Հանգիստը միայն կշահի, եթե այն տևի 5-7 օր, ոչ պակաս։ Հեռու գրասենյակային հոգսերից, առօրյա խնդիրներից և հարազատների ուշադրությունից: Դուք կգտնեք թանկարժեք ազատություն և անձնական տարածք՝ ձեր զգացմունքները թարմացնելու և ինտիմ սերը վերականգնելու համար:

Պատրաստեց Անի Գաբուզյանը