«Արա, իմ գնահատականը խի չեք ուղարկում, մեռա սպասելով»․ դիմորդի նամակը՝ ԳԹԿ–ին
«Նայեք, հիացեք»: Նման գրառում է արել ԳԹԿ մամուլի պատասխանատու Խաչանուշ Գրիգորյանը ֆեյսբուքյան իր էջում՝ կից հրապարակելով դիմորդից ստացված նամակի բովանդակությունը։
«Սա Գնահատման և թեստավորման կենտրոնի էլ. հասցեով ստացված նամակ է՝ անդաստիարակ ու անհամբեր դիմորդից: Ի դեպ, բարձր միավորներ ստացած: Անունն ու նկարը, բնականաբար, չեմ հրապարակում, բայց այս տղան իր ընտանիքի, իր դպրոցի դեմքն է»,- գրել է նա:
