Ահազանգ․ Մետրոպոլիտենի Գարեգին Նժդեհի կայարանից մարդիկ չեն կարողանում հասնել քաղաքի այլ կայարաններ․ գնացքը չի կանգնել
168.am-ի խմբագրություն զանգահարեց մի քաղաքացի և տեղեկացրեց, որ Երևանի մետրոպոլիտենի Գարեգին Նժդեհի կայարանից մարդիկ չեն կարողանում հասնել քաղաքի այլ կայարաններ:
Նա նշեց, որ գնացքը դատարկ վագոններով անցել է և կանգ չի առել կանգառում մարդկանց տեղափոխելու համար համար:
Քաղաքացին պնդում էր, որ 5-6 րոպե անց, երբ պետք է մոտենար հաջորդ գնացքը, հակառակ ուղղությամբ ընթացել է րոպեներ առաջ անցած դատարկ գնացքը և կրկին կանգ չի առել:
Մարդիկ մոտավորապես 20 րոպե սպասելուց հետո սկսել են բողոքել, երբ վերջապես նրանց սպասարկել է հաջորդիվ ուշացումով մոտեցած գնացքը:
Մեզ հետ զրույցում քաղաքացին նշեց, որ դա դիտավորություն էր, և իր կարծիքով՝ դա իշխանության կողմից մարդկանց տեղաշարժը դեպի Ֆրանսիայի հրապարակ խոչընդոտելու նպատակ ունի: Մեկնաբանություն ստանալու համար փորձեցինք կապ հաստատել Մետրոպոլիտենի հասարակայնության հետ կապի բաժնի հետ, սակայն, թերևս, ոչ աշխատանքային օրվա պատճառով, ապարդյուն։
Մամուլի պատասխանատուին ուղղված մեր զանգերը նույնպես մնացին անպատասխան:
