Christie’s-ը վաճառքի է հանել երբևէ աճուրդի հանված ամենամեծ ադամանդը
Բրիտանական Christie’s աճուրդի տան միջոցով վաճառքի է հանվել ժամանակակից աճուրդների պատմության մեջ ամենամեծ ադամանդը՝ 228,31 կարատ քաշով, հայտնում է ՏԱՍՍ-ը։
Հարավային Աֆրիկայում արդյունահանված և մոտ երկու տասնամյակ առաջ հղկված «Ժայռ» ադամանդը գնահատվում է 30 միլիոն դոլար։ Աճուրդը նախատեսված է մայիսի 11-ին՝ Ժնևում։
Սպիտակ քարը տանձաձև է և ունի մաքրության բարձր աստիճան։ Աղբյուրը նկատում է, որ նախկինում երբեք այսքան մեծ ադամանդ աճուրդում չի առաջարկվել։ Նրա ներկայիս սեփականատիրոջ անունը, որը որոշել է բաժանվել քարից, չի հաղորդվում։
